Видеоновости » Тырра кӗлете кӗркуннех тасатса, типӗтсе кӗртмелле/ГТРК "Чувашия"

19 сентября 2019 г.

Сад-пахчасемпе уй-хирсем пушанса пыраҫҫӗ. Нумай районта вырма вӗҫленнӗпе пӗрех. Ҫав вӑхӑтрах хресчен ака-суха ӗҫӗсене ирттерчӗ. Паянхи кун тӗлне республикӑра кӗрхи культурӑсене 85 пин гектара яхӑн акса хӑварнӑ. Мӗнле вӑрлӑхпа усӑ курнӑ тата ӑна ҫителӗклӗ хатӗрленӗ-и хуҫалӑхсем? Кун пирки пире Раҫҫей ял хуҫалӑх центрӗн Чӑваш Енри филиалӗн ертӳҫин ҫумӗ Олег Исаев каласа кӑтартрӗ.



Олег Исаевӑн сӑмахӗпе, кӗрхисене 105 пин гектар ҫинче акса хӑварма шутланӑ. 26 пин те 600 тонна вӑрлӑх кирлӗ, ҫак вӑрлӑха хатӗрлесе ҫитереймен. Кирлинчен 74 процент кӑна. Вӑрлӑх пахалӑхне тӗрӗсленӗ. 94 процент кондицине ларнӑ.

Раҫҫей ял хуҫалӑх центрӗнче ҫӗр ӗҫченӗсене кӗрхи культурӑсен вӑрлӑх фондне йӗркелес пирки шутлама сӗнеҫҫӗ. Унсӑр пуҫне тырра кӗлете кӗркуннех тасатса, типӗтсе кӗртмеллине асӑрхаттараҫҫӗ. Ун пек чухне чир-чӗр ерес хӑрушлӑх чакать, ҫуркунне те ӗҫ сахалрах пулӗ

Подробнее...